Репрезентацијата на Германија со победа го стартуваше Европското првенство 2022, откако славеше против Полска со 25:23 во натпревар од групата Д, која се игра во Црна Гора, односно Подгорица.
Полска беше доминантна во првото полувреме и во најголемиот дел од вторите 30 минути, но во клучните моменти дозволи Германија да се врати во игра и да победи.
При водство на Полска од 21:19 во 50 минута, ракометарките на Германија со два гола во низа го израмнија резултатот на 21:21. Резултатот уште во два наврати беше нерешен (22:22, 23:23) и во последните две минути Германија постигна два гола и ги освои планираните бодови.
Најефикасна во победничката репрезентација беше Алина Гријселс со осум погодоци, додека Емили Белк имаше шест реализации. Во поразениот табор се истакна Магда Балсам со пет погодоци.
ПОВРЗАНИ ВЕСТИ
