По репрезентативната пауза и по натпреварите во Купот на Македонија, претстојниот викенд продолжуваат возбудувањата во суперлигашкиот плеј-оф.
Првото дерби меѓу Вардар и Еурофарм Пелистер ќе биде на програмата на 26 март во СЦ „Јане Сандански“.
Овој натпревар ќе започне во 18:00 часот, а билетите се веќе во продажба од денеска по цена од 150 и 200 денари.
Вториот меч меѓу овие две екипи, кој ќе го даде одговорот на прашањето за шампион на Македонија ќе се игра во Битола на 6 мај.
На табелата, двете екипи се на врвот со 15 бодови.