Хрватот Саша Јовиќ не е многу познато име во ракометните кругови, но со неговата последна негова објава на Твитер стана популарен. Тој е тренер на женскиот клуб Ампоста во Шпанија и на тамошните жители се обиде да им објасни дека има многу пострашни работи од седењето дома како заштита од ширењето на коронавирусот.
Го искористи неговиот личен пример од војната во Хрватска и ситуацијата во Вуковар.
„Година 1991, мал град во Хрватска. Поминавме месеци во подрум. Без прозорци, без ТВ, без Нетфликс и без Плејстејшн,можност за излегување на улица. Ако излезеш може да ти падне бомба или да те погоди залутан куршум. Овие 14 дена или нешто повеќе се смешни. Останете дома“, напиша Јовиќ.
Шпанија е едно од големите жаришта на коронавирусот низ Европа, а вонредната состојба таму е продолжена до 11 април. Досега се заразени околу 30.000 луѓе, а животот го загубиле 1.720 луѓе.
Año 1991, un pequeño pueblo en Croacia.
Nos pasamos meses en un sotano. Sin ventanas, sin TV, sin Netflix, sin PS4, sin poder salir a la calle. Pq si salias igual te caia una bomba o te alcanzaba una bala perdida. Los 14 dias o alguno mas me parecen de risa. #QuedateEnCasa pic.twitter.com/LzioAz4w69— Sasa Jovic (@sasajovic) March 21, 2020
ПОВРЗАНИ ВЕСТИ
