„Брат подобри бевте, ама да знаеш ќе ви се одмаздиме“

Бундеслигашот Магдебург каде што игра македонскиот репрезентативец Филип Кузмановски, вторпат во една седмица беше подобар од францускиот Нант каде игра капитенот на нашата селеција, Кире Лазаров.

Магдебург славеше со 29-28, иако во текот на натпреварот имаше и поголема предност, на крајот мораше да стравува за победата.

Кузмановски даде два гола, исто колку и Лазаров, па сега германскиот тим е со обезбедено четвртфинале, додека Нант ќе мора да биде меѓу најдобрите три третопласирани, што исто така е реалност.

Овие два тима, заедно со Фуксе Берлин и Рајн Некар се најголемите фаворити за место на завршниот турнир, па сигурно по натпреварот Лазаров му порача на помладиот колега дека ќе чекаат шанса за одмазда во Берлин на Ф4.