Репрезентативниот голман на Македонија, Никола Митревски кој настапува за Порто имаше уште еден одличен настап за својот тим во готинската победа кај Бенфика од 33:35 во дербито од 27. коло.
Митревски имаше новa блескава партија против екс клубот и со вкупно 16 интервенции од кои две од седмерец беше еден од најзаслужните за победата. На дуелот против Бенфика тој беше единствениот голман во ростерот и ги помина сите 60 минути на терен со 32% одбранети удари.
Порто се соочи со голем отпор од Бенфика, иако постојано имаше водство домашниот тим во неколку наврати опасно се доближуваше. Митревски и колегите на полувреме имаа пет позитива кога водеа 14:19.
После десетина минути во вториот дел Бенфика со серија од 6:1 успеа да се доближи на само еден гол негатива, но немаше сили за пресврт. Порто со три последователни гола повторно се врати на безбедна предност и забележа нова победа.
Со овој триумф тимот на Митревски останува на првата позиција на табелата со максимални 27 победи и веќе практично ја има обезбедено титулата со шест бода предност пред Бенфика на три кола до крајот.