Битолчани убедливи среде Прилеп – Еурофарм Пелистер 2 меѓу најдобрите осум во македонската елита

По Металург и Бутел Скопје, тимот на Еурофарм Пелистер 2 е третиот учесник во плеј-офот од суперлигашката група Б, откако победи на гостувањето кај Прилеп со убедливи 16-23. Иако домаќините покажаа заби во првиот дел, сепак битолчани на стартот на вториот дел комплетно го скршија нивниот отпор.

Двете одбрани беа на ниво на задачата во првото полувреме, на чело со голманите Цинцадзе и Ивановски. Чантурија донесе водство за Прилеп со 1-0, а во продолжение битолчани ја преземаа контролата.

Водеа најчесто со еден или два гола разлика, иако и тие играа под притисок и промашуваа неколку чисти ситуации. Прилеп остана без еден од дефанзивците, Ивица Дукоски, кој доби трето исклучување во 22 минута и мораше да се пресели на трибините.

Јован Талевски на две минути до крајот на првиот дел донесе плус два за Еурофарм Пелистер 2, 7-9, а на пауза се замина со тој резултат иако двете екипи имаа шанси да постигнат уште по некој гол.

По 8-10 на стартот на второто полувреме почна крајот на надежите на прилепчани за позитивен резултат во овој натпревар. Битолчани нагазија, почнаа да погодуваат од сите позиции, на ова се надоврза голманот Ивановски со неколку интеревнеции во серија и веќе беше 8-17.

До крајот на мечот, избраниците на Александар Јовиќ ја одработија задачата рутински, славеа со 16-23 и заслужено се радуваа на место меѓу најдобрите осум екипи во елитната македонска конкуренција.

ПРИЛЕПЕУРОФАРМ ПЕЛИСТЕР 2 27 декември 2020 16 - 23 Крај

Детали

Датум	Време	Лига	Сезона	Match Day	Крај
27 декември 2020	18:09	СУПЕРЛИГА Б	2020/2021	27.12.2020	60'

Место

Спортска Сала Сонце Прилеп

Резултати

Екипа	1-во полувреме	2-ро полувреме	Резултат
ПРИЛЕП	7	16	Пораз
ЕУРОФАРМ ПЕЛИСТЕР 2	9	23	Победа

ПРИЛЕП

#	Играч	Позиција	Исклучување	Голови
5	Филип Пајкоски	пивот	0	0
7	Хазеин Рустамов	лево крило	1	1
9	Христијан Бикоски	лево крило	1	1
10	Сашко Манчески	пивот	0	1
11	Владимир Трајкоски	лев бек	1	1
12	Иван Ангелески	голман	0	0
13	Ивица Дукоски	централен бек	3	0
14	Даниел Андоновски	лев бек	2	5
17	Хари Павлов	десен бек	1	0
18	Давор Шокоски	лев бек	0	2
19	Антонио Бурчевски	пивот	0	0
22	Мартин Карафилоски	пивот	0	0
23	Реваз Чантурија	десно крило	0	5
33	Стефан Христоски	голман	0	0
34	Мириан Гавашелишвили	лев бек	0	0
77	Зураб Цинцадзе	голман	0	0
	Вкупно		9	16

ЕУРОФАРМ ПЕЛИСТЕР 2

#	Играч	Позиција	Исклучување	Голови
3	Цветан Кузманоски	лево крило	0	2
4	Јован Талевски	централен бек	1	5
7	Дарио Петровски	лев бек	0	0
8	Павле Атанасијевиќ	централен бек	1	1
9	Васко Димитровски	пивот	0	3
10	Христијан Митревски	десен бек	0	1
12	Филип Ивановски	голман	0	0
14	Филип Јовановски	-	0	0
23	Стефан Талевски	централен бек	1	2
33	Петар Атанасијевиќ	лев бек	0	1
51	Димитар Бардакоски	голман	0	0
55	Стефан Дрогришки	лев бек	1	2
88	Димитриј Блажевски	десен бек	1	0
99	Филип Арсеновски	пивот	2	0
24	Никола Стоилевски	десно крило	0	6
	Вкупно		7	23

Officials

Судии:	Делегат:
ГЕОРГИЕВСКИ ДЕЈАН ГЕОРГИЕВСКИ ДИМИТАР	НИКОЛОВСКИ АЦО