Францускиот интернационалец Вилијам Акамбре ја игра првата и последна сезона во дресот на Мешков Брест.
Некогаш големиот талент на францускиот ракомет летово ќе ја заврши авантурата низ Европа и по настапите за Мешков, Целје и Весрем, ќе се врати во татковината.
Тој за белоруските медиуми ја пренесе атмосферата во соблекувалната на Мешков Брест и се пожали дека се слуша само балканска и руска музика.
„Музика се слуша пред секој натпревар. Но ниту рок, ниту хип-хоп. Најчесто ечат руски и балкански песни. Сите балканци во Мешков Брест уживаат во песните на Словенката Сенида Хајдарпашиќ. Таков репертоар не е за мене – има многу песни за љубовта. Јас секогаш се шегувам и велам дека затоа нема ниеден познат балканец во светот на музиката. Немам ништо против таквата музика, но навистина морам да ја слушам цело време. Задолжени за тоа се Дарко Ѓукиќ и Никита Ваилупов“, вели Акамбре.
Тој откри и каква музика се слушало во соблекувалните на ПСЖ, Целје и Веспрем.
„Во ПСЖ најчесто се слушаше шпанска музика, додека во Целје и Веспрем, најчесто балканска музика. Но таму на повеќето ракометари не им беше важно каква музика се пушта“, заврши Акамбре.
Во новата сезона францускиот лев бек ќе игра во Екс ан Прованс.
ПОВРЗАНИ ВЕСТИ
