Еден од ривалите на Македонија на претстојното Европско првенство ќе биде селекцијата на Чешка, која во Виена патува без еден важен играч во ротацијата.
Селекторите Даниел Кубеш и Јан Филип, нема да можат да сметаат на услугите на кружниот напаѓач Леош Петровски.
Играчот на Бергишер, кој е висок 202 цм и тежок125кг, има повреда и не игра неколку месеци, па нема да им помогне на соиграчите против Македонија, Австрија и Украина.
Кубеш и Филип одбраа ракометари што ќе ги одиграат пријателските средби в сабота и недела против Унгарија, но тоа не е конечниот список за ЕП.
