Еурофарм Пелистер два пати ја победи унгарската Татабања во Лигата на Европа, но може да плати скапа сметка поради повредата на хрватскиот пикер Томислав Кушан.
Првата информација од Битола е се дека се работи за повреда на нерв до кичмата. Кушан веднаш по натпреварот прими инјекција во грбот поради огромни болки и ќе мора да мирува, а утре заминува на дополнителни испитувања.
Тој во 9. минута од мечот при еден напад не погоди и тргна да се враќа назад, но наеднаш падна на теренот. Со болна гримаса на лицето, се држеше за грбот и остана да лежи на теренот подолго време додека да бидат создадени услови да биде изнесен од теренот.
Од претходно имаше повреда на коленото, но на вчерашниот дуел беше најдобар стрелец и покрај тоа. Стратегот Жељко Бабиќ на пикерската позиција ги има Никола Маркоски и Елмир Граџан.
ПОВРЗАНИ ВЕСТИ
