Изненадување во Битола, Еурофарм Пелистер 2 го стопираше Металург (ФОТО)

Дејан Михајловски

Автор:

Дејан Михајловски

18 декември 2020

Од:ФОТО: Димитар Петковски © 24Ракомет 2020

Share on Facebook

Во заостанатиот натпревар од Групата Б во Супер машката лига составот на Еурофарм Пелистер 2 приреди големо изненадување во Битола и го совлада Металург со 27:26. После интересни 60 минути бодовите останаа во Битола за тимот кој денеска одигра многу помотивирано и поагресивно и за тимот кој покажа дека е решен да дојде до место во плеј-офот.

Од почетокот на натпреварот се виде дека Еурофарм Пелисте 2 ќе биде незгоден ривал и дека ќе оди на сè или ништо на овој дуел. Од почетокот имаше надигрување и се бараше простор за погодок.

Металург не влезе на максимум на овој натпревар, па домашните успеваа да се вратат постојано кога имаа негатива. Металуртг стигна до плус четири во првото полувреме и водеше со 6:2 и 7:3, но ова не даваше гаранција за успешен резултат бидејќи мораше да се одигра на виско ниво и во продолжение.

Место тоа лесно се губеа топки, се брзаше во реализацијата и тука се грешеше, а младите ракометари од Еурофарм Пелистер со максимална мотивација одеа до крај и ја топеа негативата.

Откако израмнија на 10:10 до крајот на полувремето успеаја да издржат и да бидат на гол негатива, па на одмор се замина со предност од 14:13 за тимот на Металург.

Во второто полувреме се разигра Стефан Дрогришки, кој ги поведе своите колеги кон изненадување. Ракометарот кој порано играше за Металург сега играше одлично, а добра поддршка имаше и од Стефан Талевски во нападот. Таквата игра овозможи Еурофарм Пелистер да биде постојано во предност.

{"slidestoshow":1,"slidestoscroll":1,"dots":"false","arrows":"true","autoplay":"true","autoplay_interval":3000,"speed":300,"loop":"true","lazyload":""}

/ 30