Екипите на Радовиш и Шампион денеска го играат натпреварот за последното место во Супер лигата за следната сезона. Тие ќе ги одмерат силите на неутрален терен во Неготино. Натпреварот се игра од 16 часот, а се работи за пресметка меѓу тимовите кои не успеаја да обезбедат директен опстанок. Радовиш финишираше како третопласиран во плеј-аутот од Супер машката лига, додека Шампион беше второпласиран во плеј-офот од Првата машка лига. Сепак, место ќе има само за победникот од овој дуел.
