Вардарки ја продолжија победничката серија во Женската лига

Ракометарките на Вардар ја продолжуваат серијата победи, откако во 22. коло од Женската лига на свој терен триумфираа против Стружанка со 39:24.

Вардарки немаа многу проблеми за да стигнат до убедливата победа, која што беше најавена уште во првите 30 минути.

На пауза „црвено-црните“ имаа предност од 21:10, потоа во вториот дел продолжија со исто темпо, постигнувајќу уште 18 гола.

Прво име во составот на Вардар беше Ивона Трпевска со седум погодоци, шест додаде Симона Василева, по пет имаа Леона Миленковска и Бојана Радевска.

Кај Стружанка листата на стрелци беше предводена од Маја Раткушиноска, која постигна шест погодоци.

Вардар во следното коло ќе гостува кај Металург Автокоманда, додека Стружанка ќе го пречека Пелистер.