Како дел од подготовките за пролетниот дел од сезоната, Вардар одигра контролен меч против Врање од Србија, што го добија „црвено-црните“ со 28-22 (15-15).
Избраниците на Владо Недановски во најголем дел од средбата имаа водство, а решавачката предност беше направена во второто полувреме, кога го имаа и највисокото водство 24-18 во 42 минута.
Македонскиот тим водеше и во првото полувреме, 10-6, но потоа противникот ги искористи грешките на домаќините и успеа да израмни, и да има неизвесност до крајот на првите 30 минути.
Во составот на Вардар дебитираше и новото засилување, средниот бек Немања Гојковиќ.
Недановски шанса им даде на сите ракометари, а најефикасен беше Стефан Петриќ со шест погодоци, по четири постигнаа Дарко Ѓукиќ и Томислав Јагуриновски.
ПОВРЗАНИ ВЕСТИ
