Ракометарките на Вардар ја продолжија серијата без загубен бод од стартот на сезоната во Женската лига и славеа на гости кај Гевгелија со 37-16.
Во натпреварот од четвртото коло, вардарки ја обезбедија победата уште по првото полувреме кога водеа со десет гола разлика, 18-8.
Во вториот дел стручниот штаб на гостинките од Скопје им даде шанса на сите ракометарки за настап, но и покрај предноста само растеше.
Најдобри стрелци во победничкиот тим беа Ивона Трпевска со шест гола, како и Дона Тодоровска и Леона Миленковска со по пет погодоци.
Во домашниот тим, кој ќе ги бара првите бодови оваа сезона на некој од следните натпревари, Елена Димова постигна четири гола.
ПОВРЗАНИ ВЕСТИ
