Поразот од Гевгелија во елиминациското коло од Купот на Македонија донесе промени на тренерската позиција во Вардар Неготино, дознава 24Ракомет.
Досегашниот стратег Ратко Вељанов реши да поднесе оставка од функцијата предводник на сениорскиот тим, но ќе остане дел од клубот, односно ќе продолжи да работи со младинските категории.
Клубот веќе разгледува варијанти за нов предводник што ќе го води клубот во прволигашката конкуренција.
Освен потенцијални кандидати за тренерската функција, управата на клубот ќе работи на комплетирање на екипата за следната сезона, во која ќе се влезе со поголеми амбиции и борба за враќање на суперлигашкиот статус.
Вардар Неготино во плеј-оф фазата пренесе шест бода, а прв ривал во разигрувањето за Супер лигата ќе му биде Јехона од Гостивар.
