Спартак парираше едно полувреме, Чаир запиша нови бодови

Ракометарките на Чаир во рамки од 5. коло од Женската лига на гостувањето кај Спартак дојде до победа, која штo беше изразена со девет гола разлика, 36:27.

Чаир со победата над Спартак останува во игра за првата позиција на табелата, бидејќи сега дојде до 13 бода, исто колку што има и Вардар, додека Куманово и Ѓорче Петров имаат плус два бода повеќе, односно 15.

Избраничките на Басри Љатифи наидоа на силен отпор од страна на домаќинот во првото полувреме. Спартак влезе мотивирано во дуелот со гостинките од Чаир и по нерешените 2:2 постигна четири гола во низа за предност од 6:2.

Тимот на Чаир третиот гол го постигна во 13 минута преку Озкан, која намали на 6:3, но домаќинките со голот на расположената Гроздановска повторно дојдоа на предноста од воведниот дел, поведоа со 7:3.

Спартак беше во резултатска предност до 20 минута, потоа иницијативата на теренот ја презеде гостинскиот состав. Откако беше 9:9, односно 11:11, составот на Чаир со мини серија се одлепи на 13:11 и до крајот на полувремето беше подобриот противник на теренот. По 30 минути игра, резултатот беше 17:14 за тимот на Љатифи.

Во второто полувреме гостинскиот тим воспостави контрола на теренот, започна да се одлепува на повисока предност и немаше голем проблем да дојде до три важни бода, со кои останува во трка за првата позиција на табелата.

Најефикасни во победничката екипа беа Бојана Диневска со осум и Теодора Дукоска со седум погодоци. Во поразениот табор се истакна Ангела Гроздановска, која со девет гола беше и најефикасна на натпреварот.

ПозЕкипаНПРЛБ
1ЃОРЧЕ ПЕТРОВ13130039
2ЧАИР13111134
3МЕТАЛУРГ АВТОКОМАНДА13110233
4КУМАНОВО13100330
5ВАРДАР1391328
6СТРУЖАНКА1361619
7ДЕСПИНА1351716
8ПЕЛИСТЕР 20121351716
9СКОПЈЕ1351716
10СПАРТАК1350815
11ОВЧЕ ПОЛЕ С. У.1332811
12АСТИБО1330109
13ШАМПИОН1310123
14ГЕВГЕЛИЈА1300130