Екипите на Скопје и Стружанка во возбудлив натпревар одиграа без победник, 27:27 (14:16), во рамки од 4. коло од Женската лига.
Иако Стружанка беше на чекор до победа, посебно со подобрата игра во последниот период од вториот дел, сепак, домашниот тим не се предаваше и во финишот од дуелот се избори за голем бод.
Членката на Скопје, Ангела Петровска, со својот прв гол во 59 минута ги постави конечните 27:27.
Наефикасни во Скопје со по седум погодоци беа Нина Неделковска и Наталија Максимовска.
Кај Стружанка исто така две ракометари имаа по седум реализации, тоа беа Теодора Маркоска и Бојана Јовановска.
Двете екипи во досегашниот тек од сезоната имаат по една победа и со денешниот бод остануваат во игра за подобар пласман на табелата.
ПОВРЗАНИ ВЕСТИ
