Репрезентацијата на Шведска на вториот пријателски натпревар против Исланд дојде до победа од 26:24 (14:11).
Еден од домаќините на Мундијалот пред два дена одигра нерешено со „рибарите“, 31:31, но Исланд и на двата натпревари се претстави во добро светло.
Швеѓаните за ривали во групната фаза на СП ги имаат репрезентациите на Шпанија, Јапонија и Чиле.
Островката земја ќе се соочи со Куба, Зеленортските Острови и незгодната Словенија, а за очекување е дека со избраниците на Зорман ќе се борат за првата позиција во групата.
Германија, која ќе атакува на висок пласман на СП, односно на еден од медалите, со пресврт во второто полувреме го надигра Бразил, триумфираше со 28:26.
Бразил одигра одлично во првите 30 минути, на пауза имаше предност од 17:12, но во вториот дел „панцирите“ беа далеку подобри.
