Иако изгледаше дека ќе биде неизвесно, и разликата беше само неколку голови во корист на домаќинот, сепак шампионот Еурофарм Пелистер триумфираше со 32-27 (16-15) во Кавадарци. Со новите два бода битолчани остануваат лидери на табелата.
Повеќе од 50 минути гостите играа без пивотменот Мамду кој доби директен црвен картон, но тоа не ги спречи да продолжат и да стигнат до целта, да победат. Домашните во првото полувреме ги имаа расположените голмани Марјан Велков и Игор Арсиќ, кои придонесоа да нема голема разлика на паузата.
На другата страна Филип Кузмановски со седум гола ја наполни мрежата на Тиквеш, а потоа до крај постигна уште пет за двоцифрени 12 гола. Затоа и на полувреме резултатот беше само 16-15 за Еурофарм Пелистер.
Како почна вториот дел, така и гостите „дадоа гас“ и ја зголемија разликата. Потоа се беше лесно. Покажаа кој е шампион, а кој аутсајдер во плеј-офот.
Тиквеш е задоволен со самото тоа што е дел од плеј-офот, и можеби како петти да добие вајлд карта за Европа, каде сезонава испадна уште на стартот.
