Европската ракометна федерација ги делегираше официјалните лица за натпреварите од осминафиналето од Европскиот Куп.
Македонскиот шампион за ривал во ТОП 16 го има чешкиот тим Хазена Кинжварт, а посакувањата се да се отиде чекор напред од минатата сезона.
Првата средба меѓу Ѓорче Петров и Кинжварт ќе се одигра во Автокоманда на 13 јануари од 18:00 часот.
Судии на оваа средба ќе бидат браќа Емил и Ернест Агакиши од Азербејџан, додека делегат е Романката Ана Марија Стоја.
Реваншот е закажан на 20 јануари од 18:00 часот во градот Чеб, судии ќе бидат Украинците Руслан Лошак и Анатолиј Новиков, а делегат Викторија Алпаидзе од Летонија.
ПОВРЗАНИ ВЕСТИ
