Левиот бек Борјан Дамјаноски во новата сезона ќе има нов клуб во Австрија, откако по десет години минати во редовите на Грац реши да ја промени средината.
21-годишниот лев бек ќе ја продолжи кариерата во екипата на Фуксе, која зад себе има одлична сезона во австрискиот шампионат.
Дамјаноски важи за еден од најперспективните македонски ракометари од својата генерација, а минатата година беше дел и од младинската репрезентација на Македонија која настапи на Светското првенство во Полска.
Фуксе имаше успешна сезона и беше меѓу најпријатните изненадувања во шампионатот, а својот настап го заврши во полуфиналето од разигрувањето за титулата, каде беше елиминиран од Фајверс.
Со овој трансфер Дамјаноски ќе добие можност за нов исчекор во кариерата и поголема улога во еден од амбициозните австриски клубови.
