Репрезентацијата на Хрватска го доживеа првиот пораз на Мундијалот, беше поразена од Египет со 28:24.
Хрватите, кои имаат аспирации за висок пласман, во главната фаза ќе пренесат само два, додека Египет максимални четири бода.
Избраниците на Сигурдсон за пласман во четвртфиналето ќе се борат против Словенија, Исланд и Зеленортски Острови/Куба.
Дефинитивно, најголемо разочарување е Норвешка, која е еден од организаторите на Мундијалот.
Норвежаните во главната фаза одат без бодови, откако загубија и од Португалија со 31:28. Ракометарите на Переира со денешната победа уште еднаш потврдија дека посакуваат добар пласман.
Во натпревар со многу голови, вкупно 68, Унгарија ја совлада Холандија со 36:32 и во главната фаза ќе пренесе три, додека Холанѓаните два бода.
Предводници во победата на Унгарија беа Мате Лекаи и Зита, двајцата постигнаа по шест погодоци. Кај Холандија се истакна Тен Велде со десет погодоци од 11 обиди.
