Ракометарите на Вардар Неготино го совладаа прволигашот Бисинов со убедливи 38-26 во пријателски натпревар.
На дуелот одигран во Неготино, избраниците на Игор Котевски уште по првиот дел ја најавија победата кога беше 19-11.
Котевски за овој дуел сметаше на новите засилувања – Трајанов, Грујовски, Митиќ, Ацев и Бугариновиќ, но не настапија поради повреди Ѓорѓев, Орешков, Јовановски и Пеовски.
Неготинци ќе се борат за опстанок во елитата, а во плеј-аутот ќе стартуваат без бодови, додека Бисинов од Велес кој немаше пораз во регуларниот дел од Првата лига се бори за место во Супер лигата.
ПОВРЗАНИ ВЕСТИ
