Неготинци победнички се враќаат од Скопје

Ракометарите на Вардар Неготино дојдоа до трета победа во низа во плеј-аут фазата, откако на гостувањето во Скопје против истоимената екипа триумфираа со 30:27.

Неготинци со денешната победа го зголемија бодовното салдо на свое конто, сега имаат девет бодови на табелата и моментално го презедоа второто место во борбата за опстанок.

Тимот предводен од Оливер Димитироски беше рамноправен до средината на првиот дел, потоа по нерешените 4:4 гостите заиграа на посакуваното ниво и во 15 минута дојдоа до плус четири, 9:5.

Вардар Неготино до крајот на полувремето ја подобри реализацијата, како и играта во одбрана, додека домаќините никако не можеа да се доближат на помала негатива.

Гостите  во финишот од првото полувреме водеа со пет до седум гола разлика и немаа поголеми проблеми за да заминат на пауза со плус шест, 16:10.

По предноста на Вардар Неготино од 19:14, домаќините врзаа три гола во низа намалувајќи на 19:17. Во тој момент беше јасно дека Скопје нема лесно да се предаде. Во моментите кога се „кршеше“ резултатот црвен картон поради три исклучувања заработи членот на Вардар Неготино, Велимир Грујовски.

Избраниците на Игор Котевски се консолидираа во последниот дел, влегоа со предност од 26:22 во финишот и не дозволија домаќинот да дојде до помала негатива од два гола. На сум минути пред крајот гостите останаа без уште еден важен ракометар. Црвен картон, исто така поради три исклучувања, заработи Мирослав Митевски, но тоа не ги поремети работите во гостинскиот табор.

Најефикасен во победничката екипа беше Лазар Адамовсиќ со девет погодци. Во домашниот табор прво име беше Дамјан Јакиковски со ист број на погодоци, пет реализации имаше Давор Шокоски.

ПозЕкипаНПРЛБ
1МРК КУМАНОВО13101232
2ПРИЛЕП1291230
3ЕУРОФАРМ ПЕЛИСТЕР 21290330
4ВАРДАР НЕГОТИНО1380524
5МУЛТИЕСЕНС1371523
6ГОЛДЕН АРТ1241716
7СКОПЈЕ 20201320116
8АЕРОДРОМ1400142