Десното крило на Струга, Тодор Јанкуловски, го доби признанието за најкорисен играч, односно МВП на 7 коло од Супер лигата.
Јанкуловски беше меѓу најдобрите поединци во струшкиот тим и постигна шест погодоци на дуелот против Аеродром.
На незгодното гостување кај новиот суперлигаш, Струга славеше со 31-25 и освои важни бодови во битката за плеј-офот.
Десното крило освои околу 43% од гласовите, а имаше голема трка со голманот на Бутел Скопје, Бојан Блажески, кој имаше околу 32% од гласовите.
Во трка за МВП на 7. коло беа уште Петар Атанасијевиќ, Мирче Калајџиески, Филип Николов, Владимир Бојаниќ и Емилијан Ѓорговски.