Машката сениорска репрезентација на Македонија на последниот тест во Стара Пазова беше поразена од подмладената Србија со пет гола разлика, 34:29 (18:18).
Иако Србија нема да настапи на Мундијалот во јануари, сепак, во во јануарскиот период ќе биде дел од силниот турнир „Трофеј Карпати“, но и таму ќе настапи со комбиниран состав.
Нашата репрезентација освен со Србија, во првиот дел од подготовките тестираше и против Нови Београд и Динамо Панчево, кој е меѓу најдобрите српски суперлигаши.
Македонија за ривали во групната фаза на Мундијалот ги има Унгарија, Холандија и аутсајдерот Гвинеја.
Најдобрите три репрезентации од секоја група ќе обезбедат пласман во главната фаза.
