Машката репрезентација на Македонија го одигра последниот контролен натпревар пред настапот на Светското првенство и славеше против селекцијата на Зеленортските Острови со 27-26.
На полувреме ривалот водеше со 15-14. Станува збор за репрезентација која има искусни ракометари што играат во Франција, Шпанија, Португалија….
Претходно Македонија ги совлада Нови Београд, Динамо Панчево и Сесвете, а загуби од Хрватска и Србија.
Македонија е во група со Унгарија, Холандија и Гвинеја, а настапот на СП го стартува на 15 јануари против Унгарците.
