Тимот предводен од Кирил Лазаров ќе игра во полуфиналето на Европскиот Куп и ќе има одлична можност да се бори за пласман во финалето.
Избраниците на Лазаров на реванш натпреварот од четвртфиналето против Баја Маре остварија убедлива победa од седум гола разлика, 32:25.
Првиот натпревар, кој беше одигран минатиот викенд во Романија, заврши без победник, 31:31.
Најефикасен во редовите на домашниот табор беше Александар Петковски со седум погодоци, а пет имаше Марко Стојковиќ.
Ривал на тимот од Автокоманда ќе биде норвешкиот Рунар Сандефјорд. Тимот од Норвешка во четвртфиналето го елиминираше Олимпијакос.
На првиот натпревар загуби со 37:31, а на реваншот победи со плус десет, 33:23
