Женската репрезентација на Македонија го заврши настапот на Европското првенство по три меча на 18 позиција.
Сепак по еден факт, Македонија се издвои на континенталниот собир – ја имаше најмладата ракометарка на ЕП.
Десниот бек Ива Младеновска со 17 години и 326 дена се појави во „Феникс Арена“ во Дебрецин и постигна три гола во дуелите со Турција, Шведска и Унгарија.
Младеновска ги брани боите на францускиот Брест Бретањ, а зад своето име веќе го запиша учеството на второ големо натпреварување во сениорска конкуренција.
