Францускиот Ле Самбр Авенуа, каде што игра македонската репрезентативка Јована Кипријановска, продолжува со 100% учинок во Втората лига.
Ле Самбр Авенуа во натпревар од 14. коло од второлигашката конкуренција во Франција славеше на гостувањето кај Асул Ан Велан со убедливи седум гола разлика, 33:26.
Македонската репрезентативка одигра на висина на задачата, беше меѓу најефикасните во својата екипа, постигна четири погодоци во мрежата на домаќинките.
Добрата форма на Кипријановска треба да го радува и селекторот Кристијан Грчевски пред двомечот со Шпанија во рамки од квалификациите за пласман на ЕП 2024.
Тимот на Кипријановска останува неприкосновен во Втората лига и со новата победа го зголеми бодовното салдо.
Сега Ле Самбр Авенуа на свое конто има 39 бодови, додека неговиот најголем конкурент Метропол во досегашниот тек од сезоната освои 32 бодови.
ПОВРЗАНИ ВЕСТИ
