Како во старите времиња – Ѓорче Петров прими само осум гола!

Ракометарките на Ѓорче Петров на гостувањето во Гевгелија кај истоимената екипа ја забележаа својата најубедлива победа во досегашниот тек од Женската лига, откако славеа со 46:8 (25:4) во натпревар од 10. коло.

Актуелниот бранител на титулата натпреварот го реши уште во првото полувреме кога при водство на домаќинот од 1:0 направи серија од 14:0, поведе со 14:1 и како одминуваше времето растеше разликата во негова корист.

Избраничките на Симе Симовски ги казнуваа грешките на домаќинките и лесно постигнуваа голови. Првиот и вториот дел беа само рутина за „лавиците“ кои одиграа како тренинг и без многу напор.

Домашниот тим првиот гол во второто полувреме го постигна дури во 42 минута преку Шуклева, а останатите три во периодот од 52 до 57 минута.

Најефикасна на натпреварот беше Емилијана Ризоска, која постигна 14 погодоци, девет додаде кружниот напаѓач Катерина Дамјановска, пет реализации имаа Јана Грковска, Ана Марија Коларовска и Ева Божиновска.

Во таборот на домаќинките најефикасни беа Благица Ступар и Верица Шуклева со по три погодоци.

Ѓорче Петров за следен ривал во единственото женско сениорско натпреварување го има Шампион, додека во 12. коло ќе игра против Астибо.

ПозЕкипаНПРЛБ
1ЃОРЧЕ ПЕТРОВ24231070
2МЕТАЛУРГ АВТОКОМАНДА25211364
3ЧАИР24201361
4ВАРДАР25201461
5КУМАНОВО25190657
6СТРУЖАНКА251211237
7ПЕЛИСТЕР 2012241011331
8ДЕСПИНА251011431
9СКОПЈЕ25931330
10СПАРТАК24911428
11ОВЧЕ ПОЛЕ С. У.25441716
12АСТИБО24402012
13ШАМПИОН2421217
14ГЕВГЕЛИЈА2510243