Екипата на Кадетен Шафхаузен веќе започна со формирањето на тимот за следната натпреварувачка сезона.
Швајцарскиот клуб на лето ќе го напуштат двајца клучни играчи, левиот бек и екс член на Вардар, Жоан Кањелас, како и кружниот напаѓач Лукас Хербургер.
Кањелас пред извесен период објави дека ќе заминува во пензија, додека Хербургер ќе заигра во Бундес лигата, поточно во тимот на Фуксе Берлин.
Раководството на Кадетен Шафхаузен веднаш се активира на трансфер пазарот и беше на шопинг во Норвешка.
Како замена за Хербургер во Кадетен Шафхаузен ќе биде Швеѓанецот Касем Авад, кој моментално го носи дресот на Елверум.
29-годишниот ракометар најголемиот дел од својата кариера го помина во матичниот Малме, клуб со кој се натпреваруваше во неколку европски натпреварувања.
Со екипата на Елверум во сезона 2022/23 играше во Лигата на шампионите и на 14 натпревари успеа да постигне 30 погодоци.
ПОВРЗАНИ ВЕСТИ
