Бутел фати приклучок за плејофот откако во драматична завршница со голот на Владимир Јефтиќ во последните секунди му донесе триумф на својот тим од 22-21 на гостувањето кај Вардар Неготино. Со триумфот Бутел останува во игра за место што води во разигрувањето за титулата, а Вардар Неготино закован за дното на табелата без освоен бод.
Лесно можеше Вардар Неготино да биде тимот што ќе слави бидејќи имаше водство до 20-18 во 56 минута по пресвртот што го направија во второто полувреме. Но, брзоплетоста на Ѓорѓи Орешков во тие моменти со две технички грешки и загубени топки му го отворија патот на Бутел преку Николов и Бошковски да израмнат на 20-20, а потоа и да поведат со 21-20.
На неколку секунди до крај на средбата Лазар Адамовиќ со својот 11 гол израмни на 21-21, а потоа Бутел изведе „брз центар“ и Јефтиќ од половина терен го погоди празниот гол.
Следуваа бурни реакции од ве еклупи, домашните тврдена дека не е гол, гостите го велеа спротивното. Судии Митревски – Тодоровски мораа да ја прегледуваат снимката за да утврдат дали е гол, или не. На крајот потврдија дека е гол, и дека има уште некоја секунда за играње. Но, победникот беше решен, 22-21 за Бутел.
Првото полувреме тоа воопшто не покажуваше дека може да има ваква завршница. Бутел успеа во самат завршница на првото полувреме да поведе со 12-9 што му давеше надеж дека дома ќе се врати со бодови. Па и во второто полувреме имаше „плус 4“ за 14-10.
Тогаш како да се пробудија домашните кои полека почнаа да ја топат предноста и Адамовиќ израмни на 18-18. Србинот имаше серија од три гола по ре дсо кои Вардар поведе ссо 20-18 и на трбините имаше славје., Но, драмата на крајот им донесе радост на гостите од Скопје
Во тимот на Вардар Неготино најефиксен беше Лазар Адамовиќ со 11 гола, а по три гола постигнаа Драган Кузманов ио Петр Пеовски. Во тимот на гостите Филип Николов даде 8 гола, а Владимир Јефтиќ петпати погоди.
ТАБЕЛА
ПОВРЗАНИ ВЕСТИ
