АЕК Атина веќе може да прави планови за финалето во Европскиот Куп, откако во првата полуфинална средба славеше против Извиѓач со 37-28.
Победникот беше најавен уште по првото полувреме кога избраниците на Фредерик Бужан водеа со плус седум, 20-13.
На босанскиот првак ќе му треба вистинско чудо во реваншот за да се надева на финале, а искусниот состав од Атина тешко дека ќе си дозволи таков луксуз да загуби со повеќе од девет гола разлика.
Најдобри стрелци во победничкиот тим беа Кеита со седум гола, како и Панајоту и Сако со по шест, а голманот Жанти имаше 14 одбрани. Кај Извиѓач, голманот Суљевиќ запре 15 удари на домашните, а Вукшиќ стрелаше шест пати.
Победникот од овој двомеч ќе се бори со победникот од двомечот меѓу тимот на Кирил Лазаров и Рунар за трофеј во Европскиот Куп.
