Новиот суперлигаш Младост Богданци активно работи на комплетирањето на играчкиот ростер за претстојната сезона.
Искусниот Зоран Стојановски и наредната сезона ќе носи дресот на тимот од Богданци. Левото крило од Велес имаше значајна улога во изборувањето на елитната конкуренција, а со своето искуство е од голема помош за помладите. Тој потекнува од школата на Борец, а играше за Овче Поле, Борец ФЛ, Голден Арт и Тиквеш.
Претходно Младост Богданци ги продолжи договорите со Живојин Илиќ, Даниел Андоновски и Ѓорѓе Атанасов, а останува и тренерот Горан Андоновски.
Досега клубот ги донесе пивотот Владимир Бојаниќ, левиот бек Тодор Узунчев, левото крило Славе Јанковски, десното крило Мартин Иванов и голманот Благој Панов, а се раздели со Кристијан Костадиновски, Лазар Адамовиќ, Никола Димитров и Жоао Гекас.
Професионални договори потпишаа и двајца младинци – пивотот Мартин Стојановски и бекот Никола Тасев, а својот прв професионален договор го потпиша кадетскиот репрезентативец Методи Младеновски.
____________________________________________________________________________________________________
▶▶▶ Добивај директно вести на твојот мобилен телефон, приклучи се на Viber групата на семејството на 24ракомет. Со еден клик до сите ракометни вести.
_____________________________________________________________________________________________________
