Гевгелија не беше закана, Стружанка славеше со 20 гола разлика

Ракометарките на Стружанка лесно ја совладаа екипата на Гевгелија со 41-21 во натпревар од 19 коло во Женската лига.

Победникот беше решен уште по првото полувреме кога домаќинките водеа со десет гола разлика, 20-10.

Во вториот дел избраничките на Жарко Ферукоски сами ја дуплираа предноста, па немаше никакви неизвесности.

Најдобри стрелци во победничкиот тим беа Маркоска со осум, како и Далипоска, Затуроска и Лушеска со по седум гола.

Во составот на Гевгелија, шест погодоци постигна Шуклева, додека пет пати во листата на стрелци се запиша Динева.