Изминатиот викенд на европска сцена беа одиграни голем број натпревари во Лигата на Европа и во Европскиот Куп во женска конкуренција, по кој се познати учесниците во групната фаза во ЛЕ, како и сите осминафиналисти во третото по ранг европско клупско натпреварување.
Македонскиот претставник Ѓорче Петров славеше на гости во Белгија кај Ојпен со 45-39, а дома со 48-36 и се пласираше во ТОП 16 во Европскиот Куп.
Актуелниот бранител на титулата во овој куп, Коњалти Анталија со триото Македонки – Ивана Гакидова, Елена Ѓорѓиевска и Моника Килдан Јанеска, загуби кај шпанскиот Гранољерс со 29-25 и беше елиминиран.
Гакидова не беше во ростерот за оваа средба, Јанеска имаше два гола , додека Ѓорѓиевска еднаш се запиша во листата на стрелците. Претходно беа елиминирани и тимовите на Феникс од Малта (Митрова, Ефтимов, Иванџикова) и Јонијас од Грција (Зарков).
Европски куп, 3 коло, резултати:
Јонијас (Грција) – Елче (Шпанија) 23-27, 27-33
Бенфика (Португалија) – Неистин (Фарски Острови) 34-27, 33-25
Јенимале (Турција) – Макаби Аразим Рамат Ган (Израел) 10-0, 10-0
Ајдовшчина (Словенија) – Херцогенбуше (Швајцарија) 35-24, 21-20
ИБВ (Исланд) – Мадеира (Португалија) 19-33, 23-36
Феникс (Малта) – Салерно (Италија) 17-39, 19-37
Кинзварт (Чешка) – Вестфрисланд (Холандија) 31-24, 30-23
Слован Дусло Сала (Словачка) – Бјеловар (Хрватска) 30-27, 22-30
Бриксен (Италија) – Јаликавак (Турција) 27-36, 19-28
Венло (Холандија) – Криваја (Босна и Херцеговина) 39-19, 30-15
Гран Канарија (Шпанија) – Дуго Село (Хрватска) 34-23, 22-20
Коњалти (Турција) – Гранољерс (Шпанија) 29-27, 25-29
Ојпен (Белгија) – Ѓорче Петров (Македонија) 39-45, 36-48
Eриче (Италија) – Изола (Словенија) 26-19, 25-23
Рудар (Црна Гора) – Пилаја (Грција) 29-28, 22-26
Јувента Михаловце (Словачка) – Истогу (Косово) 43-18, 47-18
Во Лигата на Европа, Андреа Седлоска и Локомотива Загреб со двојна победа над швајцарскиот Брул одат во групната фаза од второто по ранг европско клупско натпреварување, додека Марија Тасевска и Јагодина со двоен пораз од полскиот Лублин ја завршија европската одисеја.
Во групната фаза место обезбедија и Подравка предводена од екс селекторот на Македонија, Ивица Обрван, потоа унгарскиот Ваци, романските екипи Дунареа и Таргу Жиу, норвешките Сола и Сторхамар, француските Шамбре и Нант, шпанската Малага, како и германскиот Бенсхајм.
Директно пласирани во групите беа екипите на Никобинг, Турингер, Мошонмаѓаровар и Глорија Бистрица.
Лига на Европа, 3 коло, резултати:
Брул (Швајцарија) – Локомотива Загреб (Хрватска) 23-28, 20-25
Ваци (Унгарија) – Кастамону (Турција) 37-21, 33-32
Сторхамар (Норвешка) – Хор (Шведска) 37-28, 36-32
Бенсхајм (Германија) – Олденбург (Германија) 27-19, 28-25
Малага (Шпанија) – Копенхаген (Данска) 29-29, 25-20
Јагодина (Србија) – Лублин (Полска) 20-36, 24-44
Шамбре Турен (Франција) – Мост (Чешка) 33-20, 27-27
Борусија Дортмунд (Германија) – Дунареа Браила (Романија) 24-25, 22-27
Нант (Франција) – Молде (Норвешка) 45-28, 30-24
Сола (Норвешка) – Бера Бера (Шпанија) 39-32, 28-34
Шпоно Иглс (Швајцарија) – Подравка (Хрватска) 17-26, 26-32
Онередс (Шведска) – Таргу Жиу (Романија) 27-29, 23-26
ПОВРЗАНИ ВЕСТИ
