По голманот Лазар Миниќ, кој бранеше во Вардар Неготино, уште еден ракометар што играше во македонската Супер лига се пресели во Русија.
Поранешниот лев бек на Радовиш, Александар Вујниќ, кој настапуваше во Македонија во сезоната 2021/22, од ова лето ќе ги брани боите на рускиот тим Вороњеж.
Новакот во елитната конкуренција во Русија го промовираше 26-годишниот српски интернационалец и му посака добредојде во клубот.
Вујниќ во Србија играше за Црвенка, а потоа беше член на грчкиот Фивос, словачката Шала, Молтено од Италија, потоа дојде во Радовиш, а по авантурата во Македонија настапуваше за Метковиќ од Хрваска, Ал Џаиш од Ирак и Ал Кара од Саудиска Арабија.
ПОВРЗАНИ ВЕСТИ
