Прволигашот Драчево донесе уште двајца нови ракометари пред стартот на плеј-офот кој ќе го даде патникот за Супер лигата.
По средниот бек Петар Ферукоски, нови имиња во составот на Велимир Настески се Кристијан Ангелковски и Филип Димевски.
Ангелковски, кој настапува на позицијата кружен напаѓач, се врати во Драчево, откако и лани беше дел од овој тим.
Во меѓувреме мина една полусезона во суперлигашот Аеродром, а претходно има настапувано за Вардар Јуниор и Работнички.
Димевски игра на левата крилна позиција и доаѓа во Драчево од составот на Јуниор Кисела Вода.
Драчево го заврши регуларниот дел од Првата лига со 11 победи и 3 порази, на второто место на табелата во групата А и ќе пренесе два бода во плеј-офот.
ПОВРЗАНИ ВЕСТИ
