Денеска ќе има богат ракометен ден на домашна сцена, бидејќи се играат натпревари од сите конкуренции, а понудата ќе биде збогатена и со европски натпревар.
Ракометарите на Тиквеш го играат првиот натпревар од првото коло од ЕХФ Европскиот Куп против Еш од Луксембург. Прва ѕвезда на гостинскиот состав е екс десниот бек на кавадарчани, Аугусто Аранда, но на хартија кавадарчани се фаворити и не би требало да имаат големи проблеми да го елиминираат ривалот.
Во Супер машката лига, Вардар ќе биде домаќин во Богданци, откако со Младост ги заменија домаќинствата, додека Еурофарм Пелистер оди на гости кај Струга, а Охрид кај Бутел Скопје. Во Автокоманда ќе има двојна програма и ќе гостуваат Еурофарм Пелистер 2 и Куманово.
Во Супер женската лига, шампионот Ѓорче Петров треба да има лесна задача со Пелистер, а во двојната програма во салата „Христо Батанџиев“ ќе играат уште Ѓорче Петров 2 и Спарта. Атлетик ќе биде во потрага по првите суперлигашки бодови во дуелот со Деспина
Во Првата женска лига ќе има натпревари во Струга и Свети Николе, додека во Првата машка лига ќе се игра во Неготино, Скопје и Свети Николе.
ДЕНЕСКА НА ТЕРЕНИТЕ:
12:00 Ѓорче Петров – Пелистер
15:00 Ѓорче Петров 2 – Спартак
15:00 Струга – Гевгелија Југ
15:30 Атлетик – Деспина
16:00 Овче Поле СУ – Шампион
16:30 Мулти Есенс – Еурофарм Пелистер 2
17:00 Бутел Скопје – Охрид
17:00 Вардар Неготино – Пролет
18:00 Тиквеш – Еш
18:00 Вардар -Младост Богданци
18:30 Струга – Еурофарм Пелистер
19:00 Овче Поле – Аеродром
19:00 Илинден – Јехона
19:00 Алкалоид – Куманово
20:00 Шампион – Сокол Саса
