Женската репрезентација на Македонија денес ќе го одигра вториот натпревар во рамки од квалификациите за пласман на Европското првенство 2024, кое ќе се одржи во Австрија, Унгарија и Швајцарија.
Македонија за втор ривал ја има незгодната Литванија и со победа против балтичката земја практично ќе го завери билетот за континенталниот собир.
Како што е познато, македонската репрезентација на првиот натпревар убедливо го совлада Азербејџан. Освен со двете споменати репрезентации, избраничките на Кристијан Грчевски ќе играат и со светскиот првак од 2019 – Шпанија.
Македонија досега има шест настапи на ЕП (1998, 2000, 2006, 2008, 2012, 2022), а најголем успех е седмото место на домашното ЕП во 2008 година.
Натпреварот меѓу Литванија и Македонија ќе се одигра во „Авиа Солушнс Арена“ од 15:00 часот.
Ракометна еуфорија ќе има во Кавадарци, каде тимот на Тиквеш во рамки од второто коло од Европскиот Куп силите ќе ги одмери со австрискиот Кремс.
Составот на Никола Матлиески е домаќин на денешниот натпревар кој ќе биде одигран во спортската сала „Јасмин“ со почеток од 19:00 часот.
Во рамки од 7. коло од суперлигашката конкуренција ќе се одиграат три натпревари.
Амбициозната Струга ќе гостува во Скопје кај Аеродром, додека Мулти Есенс против Вардар Неготино ќе атакува на втора победа во дебитанската сезона. Интересен дуел се очекува да има во градското дерби меѓу екипите на Бутел Скопје и Пролет.
ДЕНЕСКА НА ТЕРЕНИТЕ:
12:00 АЕРОДРОМ – СТРУГА (МАКЕДОНИЈА)
13:00 МУЛТИ ЕСЕНС – ВАРДАР НЕГОТИНО (МАКЕДОНИЈА)
14:45 БАЛАТОНФУРЕДИ – ФТЦ (УНГАРИЈА)
15:00 ЛИТВАНИЈА – МАКЕДОНИЈА (КВАЛИФИКАЦИИ ЗА ЕП)
15:00 МАГДЕБУРГ – ХАНОВЕР (БУНДЕС)
16:00 БУГАРИЈА – ЦРНА ГОРА (КВАЛИФИКАЦИИ ЗА ЕП)
16:00 ФАРСКИ ОСТРОВИ – ИСЛАНД (КВАЛИФИКАЦИИ ЗА ЕП)
16:00 ЛУКСЕМБУРГ – ШВЕДСКА (КВАЛИФИКАЦИИ ЗА ЕП)
16:00 ПОРТУГАЛИЈА – ЧЕШКА (КВАЛИФИКАЦИИ ЗА ЕП)
16:30 ТУРЦИЈА – СРБИЈА (КВАЛИФИКАЦИИ ЗА ЕП)
16:30 ФЛЕНСБУРГ – БАЛИНГЕН (БУНДЕС)
16:30 ЛЕМГО – ГЕПИНГЕН (БУНДЕС)
16:45 БЕНИДОРМ – БИДАСОА (БУНДЕС)
17:00 УКРАИНА – СЛОВАЧКА (КВАЛИФИКАЦИИ ЗА ЕП)
17:00 НОРДСЈЕЛАНД – ГОГ (ДАНСКА)
17:00 ШАРТ – ПСЖ (ФРАНЦИЈА)
17:00 МОНПЕЛЈЕ – НИМ (ФРАНЦИЈА)
18:00 БОРЕЦ – ПРЕСПА (МАКЕДОНИЈА)
18 КОЛСТАД – ВИГИНГ (НОРВЕШКА)
18:00 БУТЕЛ – ТИНЕКС (МАКЕДОНИЈА)
18:00 ИТАЛИЈА – СЛОВЕНИЈА (КВАЛИФИКАЦИИ ЗА ЕП)
19:00 МАКЕДОНИЈА ЃП – РАДОВИШ (МАКЕДОНИЈА)
19:00 ТИКВЕШ – КРЕМС (ЕВРОПСКИ КУП)
19:30 ЈЕХОНА – АСТРАИОН (МАКЕДОНИЈА)
20:00 ШАМПИОН – МЛАДОСТ (МАКЕДОНИЈА)
20:00 СКАНДЕБОРГ – АЛБОРГ (ДАНСКА)
ПОВРЗАНИ ВЕСТИ
