На денешната ракометна програма во Македонија ќе има четири дуели во рамки од 6. коло од Супер лигата.
Екипата на Струга на свој терен ќе го пречека вториот тим на Еурофарм Пелистер, кој во досегашниот тек од сезоната има само една победа.
Сепак, избраниците на Михаил Петровски се покажаа како незгоден ривал, особено како гости, па така стружани ќе треба да го дадат максимумот доколку сакаат да дојдат до трет сезонски триумф.
Дерби ќе има во Прилеп каде што истоимената екипа ќе биде домаќин на Голден Арт. Двете екипи на табелата во групата Б имаат по шест бода и овој дуел ќе биде од голема важност за двата табора, кои атакуваат на едно од местата кои водат во плеј-оф фазата.
Вардар Неготино, тим кој нема освоен бод во новата сезона, односно има пет порази во низа, ќе биде гостин во Скопје кај Бутел. Ракометарите на Горан Кузманоски се истакнати фаворити против Вардар Неготино и се очекува да дојдат до нови бода на свое конто.
Едно од изненадувањата во новата сезона, дебитантот Аеродром, кој во претходното коло го совлада Еурофарм Пелистер 2, силите ќе ги одмери со Охрид.
Женската репрезентација на Македонија денес го започнува квалификацискиот циклус за пласман на Европското првенство 2024, кое ќе се одржи во Унгарија, Австрија и Швајцарија.
Прв ривал на репрезентацијата на Македонија квалификациите е Азербејџан. Дуелот со селекцијата од Азија ќе се одигра во малата сала во СЦ „Јане Сандански“ со почеток од 18:00 часот.
Освен Азербејџан, ривали на Македонија во квалификациите сѐ и репрезентациите на Литванија и Шпанија.
ДЕНЕСКА НА ТЕРЕНИТЕ:
15:00 ПАОК – АЕК АТИНА (ГРЦИЈА)
16:00 СТРУГА – ЕУРОФАРМ ПЕЛИСТЕР 2 (МАКЕДОНИЈА)
16:30 РОМАНИЈА – БИХ (КВАЛИФИКАЦИИ ЗА ЕП)
17:00 СЛОВЕНИЈА – ИТАЛИЈА (КВАЛИФИКАЦИИ ЗА ЕП)
17:15 ЧЕШКА – ФИНСКА (КВАЛИФИКАЦИИ ЗА ЕП)
18:00 ЦРНА ГОРА – ТУРЦИЈА (КВАЛИФИКАЦИИ ЗА ЕП)
18:00 МАКЕДОНИЈА – АЗЕРБЕЈЏАН (КВАЛИФИКАЦИИ ЗА ЕП)
18:00 СЛОВАЧКА – ИЗРАЕЛ (КВАЛИФИКАЦИИ ЗА ЕП)
18:00 СРБИЈА – БУГАРИЈА (КВАЛИФИКАЦИИ ЗА ЕП)
18:30 ОХРИД – АЕРОДРОМ (МАКЕДОНИЈА)
18:30 ПРИЛЕП – ГОЛДЕН АРТ (МАКЕДОНИЈА)
18:30 ВАРДАР НЕГОТИНО – БУТЕЛ СКОПЈЕ (МАКЕДОНИЈА)
18:30 РУНАР – ЕЛВЕРУМ (НОРВЕШКА)
18:45 ЦЕЛЈЕ – МОНПЕЛЈЕ (ЛШ)
18:45 ВЕСПРЕМ – ПОРТО (ЛШ)
19:00 ФЛЕНСБУРГ – ЛАЈПЦИГ (БУНДЕС ЛИГА)
19:00 СТРАКОНИЦЕ – ЛОВОСИЦЕ (ЧЕШКА)
19:30 СЕСВЕТЕ – ОСИЈЕК (ХРВАТСКА)
19:30 ПАНЧЕВО – ЈУГОВИЌ (СРБИЈА)
19:30 ФЕРЛАХ – ЛИНЦ (АВСТРИЈА)
19:30 ТРОГИР – Х71 (ЕВРОПСКИ КУП)
20:00 ВОЈВОДИНА – МЕТАЛОПЛАСТИКА (СРБИЈА)
20:00 ФРЕДЕРИЦИЈА – КОЛДИНГ (ДАНСКА)
20:30 ШПАНИЈА – ЛИТВАНИЈА (КВАЛИФИКАЦИИ ЗА ЕП)
20:45 КИЛ – КЕЛЦЕ (ЛШ)
21:10 ФРАНЦИЈА – ИТАЛИЈА (КВАЛИФИКАЦИИ ЗА ЕП)
21:30 ИСЛАНД – ЛУКСЕМБУРГ (КВАЛИФИКАЦИИ ЗА ЕП)
ПОВРЗАНИ ВЕСТИ
