Машката репрезентација на Македонија денеска ќе има нов предизвик на Светското првенство 2025 во Данска, Норвешка и Хрватска.
Македонија во второто коло од главната фаза за ривал ја има репрезентацијата на Катар, која од клупата е предводена од Веселин Вујовиќ.
Катар во првото коло од главната фаза одигра неизвесен натпревар со Холандија и загуби со гол во последната секунда, додека Македонија со голот на Филип Кузмановски дојде до бод против Австрија.
Денешниот натпревар ќе биде од големо значење за избраниците на Кире Лазаров, со евентуална победа ќе имаат големи шанси да обезбедат добар пласман на Мундијалот.
На денешната програма на Светското првенство ќе има уште пет натпревари, а интересно се очекува да биде на мечот меѓу Австрија и Унгарија.
Распоред на денешните натпревари на Светското првенство:
15:30 Македонија – Катар
15:30 Тунис – Чешка
18:00 Италија – Германија
18:00 Холандија – Франција
20:30 Данска – Швајцарија
20:30 Унгарија – Австрија
