Баражот за пополнување на Супер лигата доби нов датум по адаптирањето на календарот на натпреварите по кратката пауза. Иако требаше да се игра викендот на 7 или 8 јуни, сепак ќе се одигра неколку дена подоцна.
Тој ќе биде на програмата на 11/12 јуни на неутрален терен, oткако претходниот викенд ќе се комплетираат натпреварите од суперлигашкиот плеј-оф и плеј-аут (07/08 јуни).
Прволигашкиот плеј-оф ќе заврши на 31 мај/1 јуни, па второпласираниот тим од оваа конкуренција ќе има неколку дена плус за подготовка за баражот.
Во баражот за елитната конкуренција ќе играат второпласираниот од прволигашкиот плеј-оф и претпоследниот тим од суперлигашкиот плеј-аут.
Минатата сезона, тогашниот прволигаш Радовиш направи изненадување и го совлада Еурофарм Пелистер 2, кој оваа сезона е најголем фаворит за камбек во елитата.
