По двата порази од Текстилец дома и од Партизан Гевгелија на гостински терен, ракометарите на Преспа го прославија првиот триумф во новата сезона од прволигашката конкуренција.
Преспа во Ресен го совлада составот на Шампион со убедливи 30-17, откако и на полувремето водеше со 13-7.
Отворија домашните со 4-0 и полека ја создаваа предноста, која не ја испуштија до крајот и не му дозволија на противникот да помисли на ненаков камбек.
На седум минути до крајот беше 24-17, а оттогаш Преспа погоди уште шест пати, гостите ниту еднаш и ресенчани славеа убедлив триумф.
Најдобри стрелци во победничкиот тим беа Томче Трајчевски со шест и Иван Костовски со пет погодоци, додека кај Шампион, Филип Спирковски постигна пет гола.
