Тимот на Јехона имаше победнички старт на домашен терен во новата сезона од прволигашката конкуренција.
Составот од Гостивар славеше против Овче Поле со 26-22, иако гостите од Свети Николе пружија солиден отпор, особено во првиот дел кога беше 12-11 за домашните.
Овче Поле одржуваше негатива од минус еден или два гола, но во последните десетина минути Јехона ја презема контролата и не дозволи изненадување на свој терен.
Бекот Адис Салиу беше предводник на Јехона и успеа да постигне 11 погодоци во противничката мрежа, додека седум гола за победничкиот тим даде Мојсе Тасески.
Филип Петровси со осум погодоци беше најдобар стрелец во составот на Овче Поле.
