Денеска во центарот на вниманието на македонската јавност ќе биде пријателскиот натпревар во Брегенц. Машката репрезентација ќе го има единствениот тест пред третиот бараж за СП 2027 против незгодната Австрија.
Селекторот Лазаров за оваа акција не повика некои од искусните ракометари, повреден е Ѓорѓиев, а не го повика ниту Серафимов.
Поголем простор за игра би требало да добијат оние ракометари што досега не биле во прв план – Дамјан Митев, Емилијан Ѓорговски, Мартин Ивановски, Филип Николов, Кристијан Анастасовски, Самоил Ристевски…
Ниту Австрија не е во комплетен ростер, нема да играат Божовиќ, Живковиќ, Белош…но селекторот Ромеро најави победа по секоја цена над Македонија.
Натпреварот меѓу Македонија и Австрија се игра во Брегенц со почеток од 18:00 часот, додека од 17:00 часот во СЦ „Јане Сандански“, младинската и кадетската селекција на Македонија ќе го одиграат вториот пријателски натпревар.
Денеска има уште еден натпревар на македонските терени во Супер женската лига, Чаир ќе го пречека Спартак и ќе биде фаворит за бодовите од овој меч.
ДЕНЕСКА НА ТЕРЕНИТЕ:
17:00 ЧАИР – СПАРТАК (МАКЕДОНИЈА)
18:00 АВСТРИЈА – МАКЕДОНИЈА (ПРИЈАТЕЛСКИ НАТПРЕВАР)
17:00 МАКЕДОНИЈА КАДЕТИ – МАКЕДОНИЈА МЛАДИНЦИ (ПРИЈАТЕЛСКИ НАТПРЕВАР)
