По дербито во Охрид и лесната победа на Вардар, денеска со четири средби ќе биде комплетирано 12 коло во Супер машката лига.
Најинтересно треба да биде во Радовиш, каде ќе се игра дерби на дното меѓу претпоследната и послендата екипа во елитното друштво, но и во Битола, каде ќе играат меѓусебе два конкуренти за плеј-офот, Еурофарм Пелистер и Прилеп.
Во Битола, ќе има уште еден дуел – шампионот Еурофарм Пелистер е фаворит против Бутел Скопје, додека во Кавадарци, Тиквеш се надева на продолжување на победничката серија, а на гости доаѓа Пролет.
Во Супер женската лига, дерби има во Штип, каде Куманово ќе биде на испит кај „амазонките“, додека во Првата женска лига, Атлетик и Овче Поле СУ се фаворити на домашните средби.
Во Првата машка лига се игра дербито во Богданци меѓу домашниот Младост и Драчево Јуниор. Домаќините се без пораз, гостите запишаа само еден на гостински терен во Неготино, па ќе бидат на тежок испит во преполната сала „Млаз“.
ДЕНЕСКА НА ТЕРЕНИТЕ:
12:00 АСТИБО – КУМАНОВО (МАКЕДОНИЈА)
12:00 АТЛЕТИК – ДЕСПИНА (МАКЕДОНИЈА)
15:30 ЕУРОФАРМ ПЕЛИСТЕР 2 – ПРИЛЕП (МАКЕДОНИЈА)
16:00 РАДОВИШ – КУМАНОВО (МАКЕДОНИЈА)
18:00 ЕУРОФАРМ ПЕЛИСТЕР – БУТЕЛ СКОПЈЕ (МАКЕДОНИЈА)
18:30 МАКЕДОНИЈА ЃОРЧЕ ПЕТРОВ – ШАМПИОН (МАКЕДОНИЈА)
19:00 МЛАДОСТ БОГДАНЦИ – ДРАЧЕВО ЈУНИОР (МАКЕДОНИЈА)
19:30 ОВЧЕ ПОЛЕ СУ – СТРУЖАНКА (МАКЕДОНИЈА)
19:45 ТИКВЕШ – ПРОЛЕТ (МАКЕДОНИЈА)
