Екипата на Еурофарм Пелистер 2 продолжува со добрите игри во Супер лигата и борбата за плеј-оф, откако на домашен терен славеше против Радовиш со 31-26.
Младите битолчани одиграа ефикасен натпревар во нападот и го остварија противникот на нула, па радовишани ќе мора на друг меч да бараат шанса за бодови.
Домаќините уште по првото полувреме успеаја практично да го решат прашањето околу победникот, бидејќи водеа со пет гола, 19-14, а вториот дел беше одработен рутински.
Најрасположен кај победникот беше Мохамед Азиз со десет погодоци, а веднаш зад него беше Христијан Митревски со седум гола. Меѓу најзаслужните за триумфот беше и голманот Мартин Јовановски кој запре 13 удари на ривалите.
Кај гостите од Радовиш се истакна Здравко Постолов со осум гола, а Каковски и Димов постигнаа по пет.
Ова беше четврта победа на Еурофарм Пелистер 2, а Радовиш останува без бодови по десет одиграни натпревари. Во следното коло младите битолчани ќе гостуваат кај Струга, додека радовишани ќе го пречекаат Прилеп.
