Денеска на македонските ракометни терени активни ќе бидат ракометарките во Супер женската лига.
Во Автокоманда од 14:30 ќе се игра заостанатиот натпревар од 3 коло меѓу Металург Автокоманда и Куманово.
Овој натпревар беше одложен за денеска поради европските обврски на Куманово, а претстојниот викенд одново двете екипи ќе играат во ЕХФ Европскиот Куп.
Покрај натпреварот во Супер женската лига, во Каиро ќе се играат поолуфиналните средби од Светското клупско првенство.
Веспрем ќе се соочи со Магдебург, додека египетскиот Ал Ахли ќе ја предизвика големата Барселона.
Од македонските интернационалци, денеска свои настапи ќе имаат Сања Дабевска со српскиот Бор и Мартин Томовски со германскиот Битигхајм.
ДЕНЕСКА НА ТЕРЕНИТЕ:
14:30 МЕТАЛУРГ АВТОКОМАНДА – КУМАНОВО (МАКЕДОНИЈА)
16:15 ВЕСПРЕМ – МАГДЕБУРГ (СВЕТСКО КЛУПСКО ПРВЕНСТВО)
19:00 БАРСЕЛОНА – АЛ АХЛИ (СВЕТСКО КЛУПСКО ПРВЕНСТВО)
19:00 БОР – ЦРВЕНА ЗВЕЗДА (СРБИЈА)
19:30 ГРОСШВАЛТАТ – БИТИГХАЈМ (ГЕРМАНИЈА)
